最後---慶祝

近來發生左好多事..~好想記低..但發覺我追唔切記錄既節奏...索性就從頭開始算喇~^_^

今晚打波雖然人少，得albert，leo，阿lun同steve，但好在都好玩~^0^打到8點幾 ，我地就番公司換衫，再合力清埋我整既糯米chi同芒果0者哩之後就去dinner lu~^^真感動...即使唔係好味...佢地都無批評...仍然強顏接納...haha....其實真係好感動...=.="
我地去左去街市度食泰國菜，hm~~都ok 好味ga~^^
之後咩野都舉杯慶祝一淪，一切都似乎變得好有意義咁~~
hehe haha咁又一晚，突然覺得好幸福，有咁既朋友，同事...~^^"好感激佢地tim...~

ps:要搬lu..搬去比較方便既blog lu..^^"一切從頭開始~~~heehehe(>_<)!!

>:p

<4月21日>

晨早起身，因為要上阿cat度接騰雞打針~~^0^/

滕雞d毛又長左喇~~哇~~差d唔認得呀~~^__^

揹住佢出去既時候，唔知點解有d感觸...騰雞...我真係好想好想我可以帶你番我地既屋企...............

第3次泥呢間診所，心情好大分別...~
e生問..佢呢排點呀...?我竟然口窒...答唔出...~=_______="

e生睇下佢d牙仔，繼續問..~唔好食肉喇..~食狗糧對身體同牙都好d...~

我無咩可以講tim...~佢鬼咁胃食...~有得揀都唔食狗糧咁悶la..=.="

唉.............................................~佢仍然傻下傻下咁...~知唔知我係邊個呢...?!知唔知我好想同佢一齊呢?huhuhuhuhuhuh.......愈諗愈覺得慘tim...~始終...相處同見面感覺都唔同..~

即使我地0個陣只係3個星期..但0個陣我地感覺比而家實在...~=.=!

忘記左喇係咪?佢就好la...忘記左...

診所入面養左隻好得意既貓，叫臭屎~^^好得意ga~任玩唔嬲~~

+++++++++++++++++++++++++++++++++++++++++

<4月22日>
3點40分，好興奮咁入又一城既冰場踩冰，ehhe...期待呀~^^因為好耐好耐都無玩lu~~
不過勁多人呀~仲有好多小朋友…~有時差d撞到佢地..真係好驚險ga~~(>_<) 4點50分：連串慘叫同掙扎之後，我都係跌左落冰面度..~(>__<)"唉..~

不過算la~雖然踩到隻腳好痛~~但又覺得好玩~~^^

夜晚，同朋友去左尖沙咀行同埋食野~^_^
然後..行過星光大道，見到好多有關張國榮哥哥既展覽board..好掛住佢tim..~^^"

行過尖東...行過海旁…行到邊…坐到邊…講到邊~~好隨意咁，好自然咁......

友情又好，感情又好..比我既感覺都幾流水幕下..~只要唔同圈子，唔再有共同既話題..唔再有彼此都配合到既時間..慢慢曾經好好交心既朋友都會距離你愈來愈遠咁………~~
雖然每當諗到我地遲下會唔會再可以好隨意咁傾下偈..食下野既時候..都有少少失落…

不過，將來?既然遠到有d自己都無把握...我諗，我地而家相處得自然，坦誠就夠lu..~^^
其實我對朋友要求真係好低ga炸~hehe..

+++++++++++++++++++++++++++++++++++++++++++

<4月23日>
無聲頹廢咁抗議左一個禮拜喇…今日決定要番番去正常既狀態度lu..^^"

自從，好朋友肯幫我照顧住騰雞後，我個心終於都叫做定左落泥..~

不過........................................我仍然好掛住佢...~我仍然好想佢0係我身邊...~~~

或者，等到一個適當既時候，我搬出泥住..至可以實踐到喇...

dinner過後，同朋友去行下..行行下就行左去以前生活既地方~~然後一齊懷愐下~^_^

其實都幾搞笑~^_^大家一諗起就話..記唔記得呢..以前0係呢度呢…~有d咩咩咩呢…~哈哈…
發覺有時對座building有感情d~~因為0個炸有感情既人只會0係回憶裏出現...

除非拆...如果唔係...都仲有個實在既殼比你睇下吖~~^^

0係天主教小學影既貓~^^

+++++++++++++++++++++++++++++++

<4月24日>

今日天色好灰..~

然後...~一直咁落大雨....落到放工...........(=______=)!

好在，有好人摭埋我姐~ehhehe..

活在當下

收左線之後，有d覺得自己講得太多tim..
因為覺得觸及對方既傷口..所以...希望揭露晒自己既疤痕..以表示我理解...甚至曾經比你更痛..~
好衝動既我..~又做埋d無補於事既事tim...~

係時候提提自己...提提你...要活在當下..^0^/

後知. 後覺

尋晚，聽住好朋友講拍拖唔開心d野...~聽聽下..我都係忍唔住話:「不如散la..」

其實當時我真係覺得咁至係一個解決方法..~

但過後..諗諗下覺得自己冷漠左..~

雖然..我講到「放棄」並唔係一件負面既事..~放棄一樣可以係正面又正確既做法~~

同時為免朋友再為拍拖既事唔開心..我就叫佢散...割愛...~似乎講得好理所當然...分析得好有道理..

但我之後先發覺其實我忽略左佢既感情因素....~=_______=!突然覺得自己好咩...

初頭唔記得左被騙既感覺..所以體會唔到好朋友嬲既心情..~

但當換轉被騙既係我0個陣...其實都幾晴天霹靂..

......坦誠...而家好似變得好矜貴喇...係咪...?定係..~瞞已經變成左習慣呢..?

當「相信..」已經變成有機會唔開心既事時...我開始問...我係咪要同你一樣假呢?

好想在一起

呢排鼻敏感得好嚴重呀~~~~~~~~huhuhuhuhuh…(T____T)!
其實騰雞0係度既時候我都無乜事ga..~但分開左之後..~我就真係明顯嚴重左lu...~

上個星期六去阿cat度探佢影既相..~
佢個樣好似好幸福咁..~仲肥左d..~樣都變左少少tim~~^^"

雖然佢好似濫左d..=.="係人都嗲..~但算la..我都唔介意佢嗲我既.....hehe..

+.+.+.+.+.+.+.+.+.+.+.+.+.+.+.+.+.+.+.+.+.+.+.+

尋日唔知點解幾好興致去買左d整吞拿魚螺絲粉既材料..~
零晨就煮意粉做宵夜~哇~好好味呀~~~!! 第一次煮都幾好味wo~~^^"

可能我有天份la~~~~!wakakakka…講下姐…~其實你因為真係好易煮得好味lo~^0^/

+.+.+.+.+.+.+.+.+.+.+.+.+.+.+.+.+.+.+.+.+.+.+.+

今日好好天呀~正想去換衫去打籃球之際...至知因為阿but唔泥...~阿lun又唔泥...~人丁單簿既關系...唔知打唔打...~=.="

結果決定左唔換衫..就咁落去鬥下波仔就算...~=___________=!好失望tim...~

一星期一次既團體運動...~係咪會變得愈泥愈冷清呢..?!

hehe haha食過dinner後，我地去左滿記食甜品，叫左我同katkat，阿邦都中意既榴槤pancake~

哇~~!!好好味呀~~(>0<)/

中意食榴槤既阿邦就緊係埋頭品嚐la~^______^

但唔中意食既steve就成個過程都摭住個鼻~^0^好搞笑呀~~!!

4月18日-->K.B.D

今日係K.B.D.~^______^
hhehhe...係時候要remind下自己對身邊既人好d喇~~ehehehe..

lunch出左去食，好似好耐無同同時一齊坐埋食lunch tim..~
oh~~~好懷念呢種感覺呀~~(>_<)"

+++++++++++++++++++++++++++++
呢排成日覺得個袋好重..好重......個身又好重好重..~咩都唔想擰..~
好在...歇力扮唔平衡既時候都有個好人幫我擰袋~~ehhe...
講真~~~勁感動~~(>____<)

其實我真係唔會咁易比人幫我擰野ga~比得你擰..一係就係信任你，一係就係勁信任你~~^^"咁都有d鮮有既例外既~~..例如係想「哈」下你...又或者係整蠱下你咁~hehehe...但擺明我唔係整估la~wakakakka..!

曾經有朋友問..~幫女仔擰下野其實都係風度既表現姐~~咪由佢表現下lo~~
但其實我份人真係好認真ga~..~即係唔係人地話擰就比人擰lo.............表面上幾中意同人地分清界線，保持距離~~
但其實我只係唔想自己倚賴姐~wakakakka...至少而家我隻手仔都可以afford到好多野lo~~^0^

明日的記憶

夜晚dinner時..第一次比人同時話我醜樣..但又搞笑..~其實都幾打擊..~同一時間比人話兩樣衰野..其實我真係好嬲...~勁嬲!!
之後遲左入場睇戲--><<明日的記憶>>
初頭個大半個鐘其實都有d失望..因為好似交代得太多鎖碎事..有d位又幾浮誇咁~~有d悶...入唔到戲...~
但後泥就唔錯既...因為後半期d主角真係幾好戲既...又終於到題d..感人d..

始終同<<擁抱這分鐘>>既橋段太相似..所以好自然就一路睇...一路比較...
論感覺既話當然係前者深刻d~1 來先入為主，2來男女主角又靚d..過程自然賞心悅目d；3來故仔戲劇性d，煽情d；4來結尾浪漫d lo~hehe...

+++++++++++++++++++++++++++++++++++
12點幾，行番旺角0個間cafe去meet d老友仔~今次好齊人wo~cherrie都泥埋~^^
然後一坐底就比的的爆大鑊...~o...nononononono~~=.="
講完小學既事就講中學既事......講完中學既事就講前幾年既事~~
突然發覺自己對佢地前兩年既事係咁一無所知...~
見佢地講得好雀躣咁...~突然我靜左落泥...好想喊tim......~
前兩年，我無同佢地慶祝過生日，我無同佢地過過聖誕，除夕...我無同佢地頂過酒...佢地有事既時候我無0係過佢地身邊...~

十幾年朋友..~曾經我以同樣既角度怪責...
點解我有事既時候佢地唔係我身邊?
點解我唔被體諒?點解...?

哈..~其實我真係好幼稚，又好要面，好早我都知自己唔0岩..只係唔識去面對..就只有死撐...一路撐，一路逃避..~

好欣慰今日，我最大既得著都係...身邊既朋友都好好...要珍惜^____^
5月希望搞得成個gethering la~不知幾恨同sky一間房呀~wahahahah!!其實係因為都有4年無同佢地去過camp 喇~hehe..

今天天氣好好；我的心情卻好壞..好壞.. 晚飯都沒有吃，衫未換，con也沒有除下來...就睡去了.....

今天天氣好好；我的心情卻好壞..好壞..
晚飯都沒有吃，衫未換，con也沒有除下來...就睡去了...淪陷了..

好想關心一下身邊的朋友..可是還是顯得力不從心...
近來離開的太多...明明就覺得心痛...明明就不想說甚麼，只想伏在誰的膊頭，把所有的失落哭出來...

不過...就是哭不出來。

_____ ____

^
突然好想離開這個地方..~

也許，去一去那個甚麼嘉年華..一切會好過來的~ehhe..

語言障礙

那盆2月份買的"初菊"枯死了..
那盆檸檬薄荷也枯萎得七七八八..

前一晚，莎莎走了..

好朋友在電話的另一邊哭得說不出話來..~
我呆了...想說些甚麼..卻又說不出甚麼..
原來我的語言障礙又嚴重了..

好想說些甚麼...但其實我不曉得說些甚麼..
有時候，不曉得表達自己的時候，只想抱住你..甚麼也不想說..

狗仔不在家

<4月11日>
我不太想回家..
然後跟朋友去晚飯，去逛逛…希望驅散心底裏的煩躁感..

零晨…洗過澡，吹乾了頭髮之後，驟眼看見地上有不少頭髮絲…………我沒有清理的意慾..~再亂也只是我的房間..~我不在乎..
狗狗在的時候..地上有一兩條髮絲也覺得礙眼…………但現在…亂到那個地步也不太在意了...

其實我好倚賴，也最討厭自己倚賴..

4月10日

尋日0係web cam度見度騰雞其實好開心呀~^__^始終好似0係一個比我warm既屋企ma..=.="
不過又有d矛盾...~見到佢好嗲阿cat...有d唔抵得tim..~~~(>_<)

我想佢痴我..我想佢會記我同我一齊既日子，我想佢記得我對佢既感情...但我又怕佢會倚賴我..放咁多希望0係我身上...因為..連我都無把握我可以比到d咩佢..=.="
我諗我對隻狗要求太多喇..(-_____-)"

++++++++++++++++++++++++++++++++
..................................................

...................................................................

..........................................................................................

........................................

...................................!!

感覺太過多..以前就唔想表達...搞到對面既人好苦惱咁..

而家好多時就唔識去表達..搞到身邊既人都摸不著頭惱咁...~

假期

<4月9日>
今日又遲大到..~唉…~其實我無心遲到ga..我知道等人既感覺唔好玩過ga..=.="有時搞到d朋友等我好耐…~表面上我仲嬉皮笑臉咁講笑..~無賴下咁...~但其實你掩飾緊我心底0個種內疚咁姐~…~^_____________^"

夜晚，0係葵興睇完戲之後就即慶咁過左海搭叮叮~^_^
其實我好中意搭叮叮ga~無目的咁..~慢慢咁...由佢去…去到終點站就落車..再亂咁行下~^^ehhe…我覺得咁都好好玩ga~~

以前成日同朋友話搵日即慶走去一個唔識既地方亂咁行~..或者搵日走去遊下叮叮河都幾好吖咁~^_^
點知講左咁耐我地都無做過...~直至今日先有得玩..~

有時d野好似好簡單..但又好似好可遇不可求咁...~=.="

0係西灣河海旁坐左陣，再0係旺角食完糖水就番屋企lu~~~^___^"如果再多一日假就好lu..

+++++++++++++++++++++++++++++++++++++++++++++++++++

<4月8日>

今日去左拜山~^_^hehe..孝子賢孫ma..^^"

細個既時候拜山，好中意一邊行，一邊擇花~^_^然後再放0係爺爺嫲嫲既墓碑前…
而家..~~個山都變左lu....
山頭已經被只有幾個品種既植物隴斷左..hm…唔知道前幾年，山上既植物發生咩事呢..?

同舜仔一齊擇花喇~^^"

之後0係度玩..~無lala聽到隔離個箱有聲..我揭開一睇~哇~~!!原泥係bb兔泥ga~~^0^

一共有5隻~只有手掌咁大..~d毛毛軟林林咁好得意ga~^_^仲未開眼tim~~

之後抱住佢影相~~真係好得意ga~~^0^/

臨離開呢條鄕村時有d唔捨得tim...~所以影低d相做留念lo~^^

++++++++++++++++++++++++++++++++++++++++++

<4月7日>

尋日又發左個惡夢..夢見我比隻野豬仔咬唔放..~係咁fig都fig唔甩..~!!跟住我同佢彊持左好耐好耐~~直至有架車駛埋泥..至嚇志左佢..~oh~~真係好險呀~~~(>_<)”

++++++++++++++++++++++++++++++++++++++++++

<4月6日>

尋晚發左好多夢.. 有一個而家仲記得..因為好得人驚ga....(--_______--)
有好蟲由樹上面跌落泥我件衫度~~(>___<)!!!勁恐怖!!! Dinner後，買左好多零食番泥~ehe…有零食先有生氣既~~^_^

滕雞

近來，總覺得我同狗狗會好快分開..所以有時見佢個樣好可愛咁..就影低佢..~我驚第日無佢0係度會忘記左呢D片段..
如果佢係人，我諗佢一定會係個好嗲既女仔..~有d古惑..有時搞搞振..有時又好痴身..好嗲咁..~^_^
今朝佢特別痴身..可能知道又係我地要分開成十個鐘既時候la~所以係咁纏住我..~
我摸下佢個頭仔安撫下佢..~佢就軟賴賴咁挨住0係我度..~其實佢真係好得人中意ga…

矛盾

矛盾..感覺還是矛盾的..~
我叫自己停止...就站在這個位置..只是看著，守著就可以了..

可能不可能

<十四夜>
昨晚，回家看過狗狗..聽過媽媽的冷言冷語之後，就去了看戲..
雖然還是天馬行空地說著只有我自己才懂得笑的事..但還是撇不開那種擔憂..

前一晚，夢見我和狗狗分開了...

媽媽說:「送佢走la~明知唔可能既野你就係都要鬥氣，係都要做既?!...你明知無可能ga~!」
可能/不可能全都是由他們去詮釋...我怎會服氣..?
怎麼你說不可能，我就是做過了甚麼，你也合上兩眼，嚴厲地說不可能..?
怎麼你不嘗試看看我..給我們一個可能?
我不甘心，我沒有理性再跟他們解釋，或是努力扮演那個兩方面都協調得到的女兒..~
我想，我們還是靜一段日子算了..

+++++++++++++++++++++++++++++++++
望著狗狗，他還是那樣傻..~很活潑地纏著我..~或是用雙手搭在我的大脾上..傻傻地望著我..
不過，就要分開了..~

離家出走，似乎好容易，然而，現實地，我不可以這樣做..~
我不可以任性到這個地步，我不應該再令家人痛心了..
最怕那個時候他們不明白我為爭取些甚麼，打破些甚麼...只會把自己跟狗狗比較，說得我如此沒有人性...要狗也不要家人..

好多朋友會說，你先暫後奏是最錯的，應該問清楚家人的意見...甚麼甚麼甚麼...~~
然而，我的家人不是這樣，了解到，我不去問也知道結果..他們沒有協調的餘地..~我只有我行我素地做我想做的事..只要有少少可能我也想打破他們那封閉已久的思想..

最後，我試過了...我還是沒有自主的權利...
下一步..就是我應付的責任...給他尋找一個比我們更合適的家...

++++++++++++++++++++++++++++++++++++++++++++++++

<3月30日>
今日好忙呀~又要出去坐reception..~仲要鬼死咁多突發野...~唉....~好在無乜大件事姐~~
之後，同奇哥同阿lun玩呢個既9型人格既測試~~hehe...都幾d準既~~^__^

放工之後好想去睇戲~跟住番屋企睇埋狗狗就去左奧海城睇戲喇~好似好耐好耐無睇過戲lu~今日好搞笑呀~無意中，發現左好多野~~...
原泥，我地住過同一條街la，讀過同一間小學la~...
原泥，對於朋友既感覺都差唔多la~~
有時覺得好得意...~就咁睇同我好似好遠，好似點都會有段距離既人，原泥又好似幾近..幾熟悉咁...~~

不成熟

我並不肚餓..但為了充實一下那空洞的感覺..
最後還是泡了個即食麵...然後一口氣地吃進肚子裏..
感覺才好了點~~

化悲憤為食量，這是我慣用來冷靜自己的技倆..
這是不錯的，至少我胃口有限..
總好過走去狂shopping..~然後回到家後..~一樣也不是真心喜愛的..

情緒的宣洩..我還是表現得好幼稚..
直接得有點似小孩子..
不開心，覺得委屈不是直接哭出來，就是發脾氣..
然而人家不是我肚裏的蟲..我不講，只會哭著發脾氣..誰會明白我想甚麼呢..?

.......

<3月25日>
今日天氣唔錯，所以下晝就同滕雞去打瘋狗針喇~^^"
哇~好遍僻呀!!!!!!!!落左的士仲要行一大段路~~(@__@)攰死人咩~~
不過，0個度d人好nice 既~滕雞都好乖ga~要不過要打0個支粗到死既針就痛死佢喇，我仲要幫手捉住佢個頭...支針吉落去0個陣，佢就望住我好淒厲咁叫左兩聲...(>_<)唉...~心痛死我喇...~之後比芝士佢食佢都無心情食呀~~我諗佢真係好痛...

+++++++++++++++++++++++++++
mami同大家姐講左我0係間房養左隻狗...~=.="
咁佢地兩個就齊齊話我乜乜乜乜乜..(>___<)!!!!!!
根住我阿mami又唔認兩度趕我同隻狗走...~大家姐就話我遲早會對厭佢..~又勸我唔好貪得意...~佢始終係畜牲，好多病菌...影響到屋企人同自己既身體就無謂...~=.=!!

聽到呢度..眼淺既我開始忍唔住喊...~
如果係貪得意，有一日到厭左佢就講一句唔要佢...一切好容易...
但我就係唔係貪佢得意..~
一諗到d人都厭棄佢，我就覺得佢好慘..~
佢唔係我要泥解悶消遣既玩意，所以由抱上手開始我已經無諗過將佢拋泥拋去...

根住我家姐話大把野有意義過0係屋企收養隻狗仔...如果係仍佢寧願助養個細路..都唔養隻狗..~

唉..~講到底都係偏見同歧視.....我地價值觀根本就唔同，點解要逼我認同?!
唔通人就好高等，無菌咩?
以前老豆擰隻雀番泥養，我阿媽就嘈都唔嘈下，而家就係咁嘈我收養隻狗!!!
離晒大譜!!!唔通真係想 我同佢搬走咩...??!!點解咁無人情味ga?

簡單愛

今日係星期四，雖然我都好想打籃球..但都係唔放心滕雞無人理..~所以都唔打波..快快番去收拾個佢臭局先^^"

佢好嗲ga..一見我maw低就撲埋泥我懷入面..~好似個bb女..
又成日都用搭晒兩隻手上泥..要我抱佢坐大脾~只有咁..佢先會安家落泥...唔係咁fig個頭..~=.="或者，人同狗一樣，要既只係安全感..

今日眼訓到暈呀......dinner之後，上上下網都係頂唔住....
佢有佢坐0係我大脾度訓，我就伏左0係檯訓......我諗我地真係好攰好攰..~

放工前

擔心佢d病，所以一放工就的佢去睇e生，但今次個e生好好，教左我好多野~

你會覺得佢係好pro既獸醫，唔係好似前日0個個當打份工咁…=.=”
哇…不過埋單真係勁好肉痛呀..~(>___<)! 唉!算la，希望佢快d好番la~^^健康咁就ok la~

夜晚，同滕雞落街街見下d老友仔..傾下邊度有屋收留我同滕雞等.....

哈哈..佢好搞笑，坐足咁耐就振足咁耐~~^^”傻ga…~可能係怕醜la~

雖然聽講都有朋友想養狗仔..~但我真係唔想同佢分開…~

不如睇下有無人想養人仔吖同埋狗仔吖~^0^ehehhe…

尋晚醒左幾次，滕雞都未訓得著..係咁行泥行去..係咁fig…fig甩個狗喇叭…

如果可以知道佢諗緊咩就好喇..~至少，相應咁做d令佢舒服d既野…

雖然佢個樣唔算勁可愛…雖然佢有病..雖然佢來歷不明..雖然我對佢之前既生活一無所知…

不過，講真我都無乜興趣知佢之前既生活…

我只係感覺到我地而家既感情..~

我唔想dum低佢...

屬於我地既味道

呢兩日同狗仔都訓得好少，雖然晨早就飲咖啡提下神，但靈魂就好似訓著左咁…=_______=”頭又好痛..番工既時候，成個腦都係佢，每分鐘咁倒數..希望快d番屋企照顧佢...記得尋日見到佢個樣，好慘呀~~係咁遞高兩隻手搭住我隻腳，係咁遞手比我..搞到我好想喊..不其然咁問自己..其實我比唔比到幸福佢?..又再摸下佢個頭仔問，「你係咪等得我好慘..?」
等佢食飽個肚仔之後，我就同佢去診所打針喇~^__^
佢都好乖wo..~唔驚打針既~但反而好似驚條街多d..~放佢落地又唔肯行，係都要我抱…~=.=”

然後，我地去買狗仔用品喇~佢好似個貪玩既bb仔，聽到d識叫既玩具就撲左去玩..~無計la..佢個狗樣咁鬼中意d玩具，最後就揀左件唔嘈既玩具比佢玩喇~^__^
哈哈..有d似個mami無奈地買左樣野比個細路仔玩，之後想同佢講番聲..「成日掛住玩，又唔讀好d書…」哈哈…感覺好怪..~^^”

夜晚同狗仔滴左殺虱水，但佢之後fig得仲勁…我諗佢真係好身痕，所以訓訓下都比佢fig身d聲嘈醒左…~

今日諗諗下都係同佢改個正經d既名先，試諗下，假如遇到壞人時，我叫:「滕雞!!attack!!」
個壞人一聽佢個名都唔驚la..~=_=”以見及此~~就要改名lo~ehhe^_^

ps:發覺佢開始任性，開始唔係咁乖喇..~又唔肯洗耳仔~~…….hm…曳~!
不過我都好掛住佢..~~^^hehe..

尋屋記

搬出這天地，正式跟家長分離..
呼一口氣，將家居放棄..遺忘你…

哈哈..呢d係我同大隻佬今朝填既詞~~^____^好有意境ga~

相處左一晚，雖然好似訓左幾個鐘都無，但我知我地已經有好深厚既感情..~
生命影響生命..~阿but比我既0個塊紫羅蘭葉已經生出根lu..~等佢生得再穩定d，我就會放佢入泥，然後，等佢開枝散業…~^__^
好想比滕雞一個幸福既屋企..~由收養佢0個刻，其實都預左承擔跟住落泥既一切責任....
我好想佢成為我屋企既一份子，好想好想..其實我既要求好簡單姐…=________=”
佢會令我有規律地照顧自己同佢，佢以後亦有個好主人陪佢玩..~ 我知道我地會令大家改變..變得更好..^0^

尋屋..假如有我同滕雞都可以安頓落泥既屋..~^___^就contact我la~ehehhe..

情意結

叔叔同例鬧0係佢尾龍骨位"蒂"左兩野...~話係記認wo...=.="

好細個既時候接觸過e媽養既虎仔(狼狗)，所以一直都中意狗仔，亦都好想養狗仔~

然後，機緣巧合，直至今天，例鬧和叔叔陪我去揀狗仔收養..亦即係佢地揀新抱仔~

機緣巧合之下，叔叔幫我揀左呢隻滕雞既史立莎，由於只得佢振滕滕..振到唔識郁既關系..~我地就直接同佢改個名叫滕雞~^0^hehe..

之後同佢去例鬧屋企沖涼，剪毛，扮番靚女d喇~

佢同bb都玩得ga~~只係bb都唔係智在同佢玩，係智在咸濕佢...~唉...~無狗性ga...~童年陰影呀~~~(>__<)

之後0係由例鬧屋企番我番屋企既路上，佢足足用左我成9個字都有...~
因為佢唔肯行...~又要我抱...~抱到我手都軟晒...~=________="

0岩先沖完涼佢就賴左尿....~=______="唉...~算la..~預左ga喇...~慢慢教la~我知佢好乖既~~hehehe

總之佢健康咁就ok la~^^

ps:而家已1係兩點喇，佢仲未訓呀..~係咁fig住條短尾仔望住我打字lo~^____^"

傻狗仔....叫佢訓先又聽唔明...~唉...~好想知佢諗緊乜~~

忽冷忽熱

有點忐忑，有點不安...
天氣忽冷忽熱..叫人有點無奈..

<3月15日>

晨早收到阿but下個月就要走既消息，雖然戥佢開心^___^升職加人工ma...~
但又有d唔捨得...~=.="以前好多野都搵最就得人既阿but幫手........~打波又一齊玩、笑~
然後...佢走左之後...打波又少緊個人....~...
不過，算la..~都戥佢開心既..~^_________^"

放工，又去打籃球~~仍然咁好玩~^__^